Հունաստանում ՀՀ նորանշանակ դեսպան Տիգրան Մկրտչյանը մասնակցել է Աթենքում գործող հայկական եկեղեցիերի Սուրբ Պատարագներին

30 նոյեմբերի, 2021

Հունաստանում ՀՀ նորանշանակ դեսպան Տիգրան Մկրտչյանը իր առաքելության մեկնարկման շրջանակներում ս.թ. նոյեմբեր ամսվա յուրաքանչյուր կիրակի մասնակցել է Աթենքում գործող Հունահայոց թեմի առաջնորդանիստ Սուրբ Աստվածածին, Կոքինիայի Սուրբ Հակոբ, Հայ Կաթողիկե Ս.Գրիգոր Լուսավորիչ և Հայ Ավետարանական եկեղեցիների կիրակնօրյա Սուրբ Պատարագներին:

Պատարագներից հետո ՀՀ դեսպանը զրուցել է արարողությանը ներկա հունահայ մեր հայրենակիցների հետ, մտքեր է փոխանակել հայկական եկեղեցիների հոգևոր առաջնորդների և եկեղեցական խորհուրդների անդամների հետ՝ նշյալ եկեղեցիների գործնեության, ՀՀ արտաքին քաղաքականության առաջնահերթությունների, առկա մարտահրավերների, ինչպես նաև Հայաստան-Արցախ-Սփյուռք սերտ գործակցության հեռանկարների վերաբերյալ:

Դեսպանը առանձնահատուկ ընդգծել է Հունաստանում հայկական եկեղեցիների և հայ համայնքի կարևոր դերը՝ երկու բարեկամ պետություններին և ժողովուրդներին իրար կամրջելու գործում և նաև վերահաստատել, որ նման հանդիպումները կկրեն պարբերական բնույթ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր